Bayern Munich sonte luan ndeshjen e kthimit në kuadër të çerekfinales së Ligës së Kampionëve.

Interi ka epërsinë prej 2-1 nga ndeshja e parë, mirëpo udhëtimet e gjermanëve në “Meazza” kanë qenë gjithmonë të mbara, shkruan Arbresh.info.

Tri herë “Bavarezët” u përballën në “Giuseppe Meazza” me Interin, morën fitore, madje duke mos pranuar asnjë gol.

Hera e parë që këta dy gjigantë të Evropës u ndeshën në Ligën e Kampionëve, ishte 27 shtatori i vitit 2006, ku në fazën e grupeve, gjermanët triumfonin 0-2, me golat e Claudio Pizarros dhe Lucas Podolskit.

Në vitin 2011, në fazën e 1/8-ës së finales, një realizim i vonë i Mario Gomez në kohën shtesë, i jepte fitore Bayernit 0-1 në Itali, por “Nerazzurët” rikthyen gjithçka pastaj në ballafaqimin e kthimit (2-3), duke e eliminuar kundërshtarin me rregullin e golit mysafir, që vlente më shumë.

Falë një autogoli të D’Ambrosios dhe realizimit të Leroy Sanés, klubi më i trofeshëm gjerman fitonte 0-2 në Milan edhe në shtator të 2022-ës, ku të dy skuadrat ishin në grupin C.

Megjithatë kampioni italian shkoi deri në finale atë edicion, duke humbur 1-0 nga Manchester City.

Por ndeshjen e fundit të Ligës së Kampionëve, Interi nuk e humbi në vitin 2010, pikërisht ndaj oponentëve me të cilët përballet sonte.

“Zi-kaltërit” triumfonin 2-0 në “Santiago Bernabeu” duke u kurorëzuar me titullin kampion në turneun më të vlefshëm të kontinentit për klube.